Monthly Archives: Abril 2013
Fotos da 57 Foliada das Pontes
Dende o Grupo No Cómbaro queremos dar o noso mais extenso agradecemento a tod@s @s asistentes a 57 Foliada e en especial ás bailadoras e bailadores que foron os que conseguiron coa súa presencia que fora a mais bailada tal como pretendiamos dende a organización, de feito o local para o baile en esta ocasión quedouse un tanto pequeno.
Graciñas a xente de:
- Faragullas (Teixeiro)
- Grupo de Baile de adultos do Padroado de Cultura (Narón)
- Troula do Ortegal (Ortigueira)
- Airiños dos Carrís (Cerdido)
- Repichoca Ferrol (Ferrol)
- Buxainas (Cedeira)
- Xente Nova (Ferrol)
- Airiños da Capela (A Capela)
- San Xiao do Trebo (Cariño)
- Gamelas e Anduriñas (Espasante)
Perdoade se esquezemos a alguén!!
Foliada: Reunión de xente pola noitiña para cantar, tocar e bailar.
O que non canta nin baila,
a que vai á foliada?
Aprendere catro mentiras,
para contar pola semana.
II Curso de construcións de palletas polo pontés Jaime Pena
O artesán Xaime Pena será o encargado de guiar o curso que terá lugar nos locais da Tradescola, no Centro LUG II (Lugo) o vindeiro sábado 4 de maio do 2013.
Este curso é imprescindible para todas aquelas persoas amantes da música tradicional e particularmente para os alumnos que se están formando na aprendizaxe da gaita, xa que nesta xornada, poderanse adquirir unhas nocións básicas sobre a construcción e a manipulación de palletas e pallóns, as peculiaridades dos materiais cos que se realizan, o trato que se lles debe dar, a importancia das condicións atmosféricas no comportamento destes elementos, etc.
Xaime Pena iniciou a súa historia como palleteiro alá polos anos 80. Foi nesas datas cando empezaron os seus primeiros contactos co mundo das palletas, da man do seu pai, José Adolfo Pena, a quen lle axudaba na preparación dos materiais necesarios para a súa construcción: cañas, tubos, aneis e o preatado das mesmas. Entorno ao año 2000 retomou a construción de palletas, esta vez xa en solitario.
O horario do curso, que terá lugar na Tradescola- Centro LUG II ( Rúa Pintor Corredoira nº 4 – Lugo), será de 10.00 a 14.00 horas e de 16.00 a 19.00 horas.
Prezo: 20€ (para alumnos da Tradescola / Socios da AGG) e 25€ para público en xeral.
As prazas son limitadas.
Máis información e inscricións:
· Tradescola ( horario de 9.00 a 14.00 horas e de 16.00 a 19.00 horas)
· Teléfono 982229966
Asociación Galega de Gaiteiros